ہجر کیا چیز مِرے یار بنا دیتا ہے
دشت کے دشت کو گلزار بنا دیتا ہے
معجزہ یہ بھی تِرے حسن کا دیکھا ہم نے
جو رقیبوں کو بھی دلدار بنا دیتا ہے
پھر مِرا صبر مجھے ڈھال بنا دیتا
اے خدا! تُو ہی بتا کہ یہ زمانہ تیرا
کیوں مجھے تیرا گناہگار بنا دیتا ہے
خالق حسن تِری رمز نہ سمجھا ہے کوئ
گل کھِلاتا ہے، کبھی خار بنا دیتا ہے
کوچۂ یار تِرا شوق مجھے کھینچتا ہے
جب کوئی راہ میں دیوار بنا دیتا ہے
اپنے زخموں کو ذرا اور ہرا کر عادل
درد بڑھتا ہے تو فنکار بنا دیتا ہے
منظور عادل
No comments:
Post a Comment