چِڑیوں کے چہچہانے کا منظر کہاں گیا
صحرا میں ڈھونڈتا ہوں مِرا گھر کہاں گیا
میرے لیے تو نقدِ متاعِ حیات تھا
ظالِم وہ تیرے ہاتھ کا پتھر کہاں گیا
پھِرتا ہوں اپنے ہاتھ میں کانٹے لیے ہوئے
کیوں ہو گیا ہے مُہر بلب انکے سامنے
اے دل! شکایتوں کا وہ دفتر کہاں گیا
سارے جہاں کے لوگ تو سیراب ہو گئے
میں تشنہ لب ہُوا تو سمندر کہاں گیا؟
گِر جائے گی شفیقؔ کسی دن فصیلِ جسم
در در کہیں گے لوگ کہ وہ در کہاں گیا
شفیق برنی
No comments:
Post a Comment