اپنی پسند چھوڑ دی اس کی خرید لی
ورثے کا کھیت بیچ کے کوٹھی خرید لی
اک عمر اپنے بیٹوں کو انگلی تھمائی پھر
بوڑھے نے اک دکان سے لاٹھی خرید لی
ویسے تو نرخ کم ہی تھے گندم کے اس برس
آئی تھی تیرے گاؤں سے مہنگی خرید لی
ہم دوستوں کے پیار میں ہمرنگ ہیں لباس
اور لوگ کہہ رہے ہیں کہ وردی خرید لی
تصویر اپنی خود ہی مصور کو بھا گئی
خود گیلری میں پیش کی خود ہی خرید لی
اے ہجر زاد تم کو بھی ہے آرزوئے وصل
اے دشت زاد! تم نے بھی کشتی خرید لی
شاعر کو اپنے شعر بھی بچے بھی تھے عزیز
پھر اس نے شعر بیچ کے روٹی خرید لی
پارس ہے اصل مسئلہ چلنا گھڑی کے ساتھ
اس سے غرض نہیں ہے کہ کیسی خرید لی
ورثے کا کھیت بیچ کے کوٹھی خرید لی
اک عمر اپنے بیٹوں کو انگلی تھمائی پھر
بوڑھے نے اک دکان سے لاٹھی خرید لی
ویسے تو نرخ کم ہی تھے گندم کے اس برس
آئی تھی تیرے گاؤں سے مہنگی خرید لی
ہم دوستوں کے پیار میں ہمرنگ ہیں لباس
اور لوگ کہہ رہے ہیں کہ وردی خرید لی
تصویر اپنی خود ہی مصور کو بھا گئی
خود گیلری میں پیش کی خود ہی خرید لی
اے ہجر زاد تم کو بھی ہے آرزوئے وصل
اے دشت زاد! تم نے بھی کشتی خرید لی
شاعر کو اپنے شعر بھی بچے بھی تھے عزیز
پھر اس نے شعر بیچ کے روٹی خرید لی
پارس ہے اصل مسئلہ چلنا گھڑی کے ساتھ
اس سے غرض نہیں ہے کہ کیسی خرید لی
پارس مزاری
No comments:
Post a Comment