سر محشر یہی پوچھوں گا خدا سے پہلے

سرِ محشر یہی پوچھوں گا خدا سے پہلے​

تُو نے روکا بھی تھا مجرم کی خطا سے پہلے ​

اشک آنکھوں میں ہیں، ہونٹوں پہ بُکا سے پہلے ​

قافلہ غم کا چلا،۔ بانگِ درا سے پہلے ​

اڑ گیا جیسے یکایک میرے شانوں پر سے ​

وہ جو اک بوجھ تھا، تسلیمِ خطا سے پہلے​

ہاں یہاں دل جو کسی کا ہے اب آئینۂ حسن​

ورقِ سادہ تھا الفت کی ضیا سے پہلے​

میں گِرا خاک پہ لیکن کبھی تم نے پوچھا​

مجھ پہ کیا بِیت گئی لغزشِ پا سے پہلے​

اشک آتے تو تھے لیکن یہ چمک اور تڑپ​

ان میں کب تھی غمِ الفت کی ضیا سے پہلے​

درِ مۓ خانہ سے آتی ہے صدائے ساقی​

آج سیراب کئے جائیں گے پیاسے پہلے​

رازِ مۓ نوشئ ملاؔ افشا ہُوا، ورنہ​

سمجھا جاتا تھا ولی اس خطا سے پہلے ​

آنند نرائن ملا