تم سامنے تھے اس لیے سودا نہیں کیا
ورنہ متاعِ دل کو تو سستا نہیں کیا
میں ہی تمہارے بخت کی روشن لکیر تھی
تم نے گنوا دیا مجھے، اچھا نہیں کیا
تجھ سے محبتوں کی خطائیں ضرور کیں
اپنی ہی ذات پر انہیں تنہا سہا مگر
ہم نے اذیتوں کو بھی آدھا نہیں کیا
چِھن چِھن کے پھر ملے ہیں محبت کے ذائقے
رب نے تو میرے رزق کو تھوڑا نہیں کیا
شامل ہیں میری عمر میں فرقت کی ساعتیں
ان روز و شب سے ہجر کو منہا نہیں کیا
شعروں نے میرے کرب کی تشہیر خوب کی
میں نے تو اپنے زخم کا چرچا نہیں کیا
ایمان قیصرانی
No comments:
Post a Comment