نکلے صدف کی آنکھ سے موتی مرے ہوئے
پھوٹے ہیں چاندنی سے شگوفے جلے ہوئے
ہے اہتمامِ گریہ و ماتم چمن چمن
رکھے ہیں مقتلوں میں جنازے سجے ہوئے
ہر ایک سنگِ میل ہے اب ننگِ رہگزر
بے وجہ تو نہیں ہیں چمن کی تباہیاں
کچھ باغباں ہیں برق و شرر سے ملے ہوئے
اب میکدے میں بھی نہیں کچھ اہتمامِ کیف
ویران ہیں شعور، تو دل ہیں بجھے ہوئے
ساغر یہ وارداتِ سخن بھی عجیب ہے
نغمہ طرازِ شوق ہوں، لب ہیں سلے ہوئے
ساغر صدیقی
No comments:
Post a Comment