خمار درد میں بھیگا یہ ماہتاب تو دیکھ

خمارِ درد میں بھیگا یہ ماہتاب تو دیکھ 

نگار خانۂ ہستی کی آب و تاب تو دیکھ

ملالِ فرق سے دہکی ہوئی زمین پہ آ

عذابِ شوق سے سلگے ہوئے سحاب تو دیکھ

نظر تو ڈال، تِرے غم نے کیسا روپ دیا

یہ زرد رنگ 'پہنتا' ہوا شباب تو دیکھ

بیانِ زیست میں اس اک نِگِہ کے رنگ تو سن

کتابِ عمر میں اس کنجِ لب کے باب تو دیکھ

نِشاطِ دید کے سائل! کچھ اور دیر مچل

جمالِ یار کے تشنہ! نیا سراب تو دیکھ

سیماب ظفر