مجھے عشق کرے مجبور پیا

مجھے عشق کرے مجبور پیا

تُو خواب نگر کا شہزادہ میں حسن نگر کی حُور پیا

تو ارمانوں کی ڈولی لا میں رہ نہ پاؤں دور پیا

نہ پھول کھلے میرے گلشن میں نہ مجھ کو بہار سجھائی دے

میں آئینہ دیکھنے بیٹھوں تو مجھے روپ تیرا ہی دکھائی دے

میں رات کو رووں چھپ چھپ کر

میں دن بھر سوچوں سوچ تیری

مجھے عشق کرے مجبور پیا

الفت کے دریا میں ڈوبی میرا تن من بہہ گیا پانی میں

سرشار ہوئی ہوں بے دردی چاہت کی تیز روانی میں

میں کھانا پینا بھول گئی تیری خواہش میں ہی جھول گئی

مجھے اور کوئی نہ پیاس رہی

تیرے پیار میں ہوں مخمور پیا

مجھے لے جا رتھ میں بٹھلا کر

میں سرخ لباس سجاتی ہوں

تیرے آنے کی ہی آس لگی دروازے پر آتی جاتی ہوں 

یہاں کوئی نہ میرا دردی ہے ہر اک سے ڈر سی جاتی ہوں

کہیں دور جدائی کر نہ دے مجھے اور نہ کر رنجور پیا

میں پیا پیا ہی کرتی ہوں تیرا دم ہر دم ہی بھرتی ہوں

میری روح پاکیزہ رہتی ہے تجھے تسبیح جیسا پڑھتی ہوں

مجھے نام تیرے رب کر دے گا

ہر دم یہ دعا میں کرتی ہوں

تو بول پڑھا مجھے اپنا بنا کر دے تو ہر غم دور پیا

عرفان بزمی