استعمال شدہ محبت
محرومیاں میرا لحاف رہی ہیں
میں نے ہمیشہ دوسروں کی لعاب زدہ روٹیاں چبائیں
اور پرندوں کے زخمی کئے ہوئے
پھلوں کا خون چکھا
میرے پھیپھڑے صرف گدلی ہوا سہہ سکتے ہیں
شفائی مجھے نابینا کر دیتی ہے
اس لیے میں بارش کے بعد آسمان نہیں دیکھتا
میں اپنی ماں کا دوسرا بچہ ہوں
مجھے کیا معلوم
پہلی محبت کیا ہوتی ہے
باپ میرے لیے بلیاں لے کر آیا
لیکن مجھے ہمیشہ کوؤں کی صحبت میں رہنا پڑا
میں نے اب تک
دوسروں کی اُترن پہنی
اور مجھے زمانے کی تھوکی ہوئی زندگی جینا پڑی
مگر انسان ایسے کب تک رہ سکتا ہے
کاش
میں تمہاری پہلی محبت ہوتا
محرومیاں میرا لحاف رہی ہیں
میں نے ہمیشہ دوسروں کی لعاب زدہ روٹیاں چبائیں
اور پرندوں کے زخمی کئے ہوئے
پھلوں کا خون چکھا
میرے پھیپھڑے صرف گدلی ہوا سہہ سکتے ہیں
شفائی مجھے نابینا کر دیتی ہے
اس لیے میں بارش کے بعد آسمان نہیں دیکھتا
میں اپنی ماں کا دوسرا بچہ ہوں
مجھے کیا معلوم
پہلی محبت کیا ہوتی ہے
باپ میرے لیے بلیاں لے کر آیا
لیکن مجھے ہمیشہ کوؤں کی صحبت میں رہنا پڑا
میں نے اب تک
دوسروں کی اُترن پہنی
اور مجھے زمانے کی تھوکی ہوئی زندگی جینا پڑی
مگر انسان ایسے کب تک رہ سکتا ہے
کاش
میں تمہاری پہلی محبت ہوتا
زاہد امروز
No comments:
Post a Comment