یہ کیف کیفِ محبت ہے کوئی کیا جانے
چھلک رہے ہیں نگاہوں میں دل کے پیمانے
کہانیوں ہی پہ بنیاد ہے حقیقت کی
حقیقتوں ہی سے پیدا ہوئے ہیں افسانے
نہ اب وہ آتشِ نمرود ہے نہ شعلۂ طور
ہزار تیری محبت نے رہنمائی کی
گزر سکے نہ مقامِ جنوں سے دیوانے
انہی کو حاصلِ یک شہرِ آرزو کہئے
مِری نگاہ میں آباد ہیں جو ویرانے
تجھے خبر بھی ہے اس دورِ خستہ حالی میں
خود اہلِ دل ہیں مذاقِ وفا سے بے گانے
جنوں فریبِ خِرد ہے، خِرد فریبِ نظر
مجھے کہیں کا نہ رکھا مِری تمنا نے
حبیب اشعر دہلوی
No comments:
Post a Comment