بجھی نہیں ابھی یہ پیاس بھی غنیمت ہے

بجھی نہیں ابھی یہ پیاس بھی غنیمت ہے

زباں پہ کانٹوں کا احساس بھی غنیمت ہے 

رواں ہے سانس کی کشتی اسی کے دھارے پر 

یہ ایک ٹوٹی ہوئی آس بھی غنیمت ہے

نشاں نمُو کے ہیں کچھ تو بساطِ صحرا پر

جھلستی جلتی ہوئی گھاس بھی غنیمت ہے

پھر اس کے بعد تمہاری شناخت کیا ہو گی

روایتوں کی یہ بُو باس بھی غنیمت ہے

وہ اب بھی ملتا ہے اپنی ادائے خاص کے ساتھ

کہ وضع داری کا یہ پاس بھی غنیمت ہے

ارمان نجمی