ادھڑے ہیں زخم اس طرح کہ سل نہیں رہے

 اُدھڑے ہیں زخم اس طرح کہ سِل نہیں رہے

اور حوصلے ہیں جو ہمیں اب مل نہیں رہے

پھیلی ہوئی ہے چارسُو خوشبو، سو حیف ہے

آنگن میں گُل ہمارے ہی کیوں کِھل نہیں رہے

جُھریاں پڑی تو تُم ہمیں اب دیکھتے بھی نئیں

لب وہ نہیں رہے؟ یا وہ تِل نہیں رہے؟

گھر میں قحط کے بعد تھی وحشت براجمان

کچے صحن میں چیونٹیوں کے بِل نہیں رہے

مر جائیے کہ ہو سکے دفنائے جائیں اب

پھر کیا پتا؟ یہ رسم ہو اور گِل نہیں رہے

وہ بھی بضد ہیں ہم ہی منائیں انہیں، مگر

اپنی جگہ سے ہم بھی ذرا ہِل نہیں رہے

تڑپیں کسی کے دُکھ پر روئیں تو بے شمار

کاشف کسی کے پاس بھی وہ دل نہیں رہے

کاشف رانا