چوٹ پر چوٹ کھا رہا ہوں میں

چوٹ پر چوٹ کھا رہا ہوں میں

عادتاً مسکرا رہا ہوں میں

اس کے اوپر تو کچھ اثر ہی نہیں

اپنا دل کیوں جلا رہا ہوں میں

آج تنہائی میں جو بیٹھے ہو

کیا تمہیں یاد آ رہا ہوں میں

کون آئے گا مجھ سے ملنے کو

اپنا گھر کیوں سجا رہا ہوں میں

آج جی بھر کے دیکھ لو مجھ کو

اب بہت دور جا رہا ہوں میں

اب مجھے پیٹ ان سے بھرنا ہے

یہ جو خنجر بنا رہا ہوں میں

کل کوئی اس کو بھی نہ چھوڑے گا

یہ جو پودا لگا رہا ہوں میں

سلیم امروہوی