ہر شے میں نظر آتا ہے جب روپ تمہارا

عارفانہ کلام حمدیہ کلام

ہر شے میں نظر آتا ہے جب روپ تمہارا

آنکھوں کی طلب کیوں ہے تیرا ایک نظارا

قربان میں تیرے نام پہ، ہو ایک اشارہ

یہ جان ہے کیا چیز تو ہے جان سے پیارا

اس درجہ تیری یاد میں طاقت میرے مولا

طوفاں میں گھری کشتی کو مل جائے کنارا

ہر درد کا درماں اسے ہوتا ہے میسر

جب یاد تجھے کرتا ہے کوئی درد کا مارا

ٹھکرایا کسی نے تو تُو نے مجھے سنبھالا

اس سنگ صفت دور میں تو میرا سہارا

نعیم قیصر