عارفانہ کلام نعتیہ کلام
واقعی عشق نبیؐ میں جس کو جینا آ گیا
ہاتھ اس کے دو جہاں کا ہر خزینہ آ گیا
کی محمدؐ کی اطاعت جس کسی نے قلب سے
پاس عقبیٰ کا اسی کے سب دفینہ آ گیا
نور حق سے دو جہاں کو جگمگانے کیلئے
رحمت عالمﷺ کی صورت اک نگینہ آ گیا
سنتوں پر صدق دل سے جو عمل پیرا ہوا
درحقیقت اس کو جینے کا قرینہ آ گیا
عشق احمدؐ کا وہ دعویٰ کر نہیں سکتا کبھی
علم ہے جس کے ذرا بھی بغض و کینہ آ گیا
جب رسولِؐ پاک آئے اس جہاں میں مومنو
اہلِ عالم کو دہانِ زخم سینا آ گیا
مصطفیٰ غزالی
No comments:
Post a Comment