نیند آنکھوں میں اتر آئے گی دھیرے دھیرے

 نیند آنکھوں میں اُتر آئے گی دھیرے دھیرے

خواب کیا کیا مجھے دکھلائے گی دھیرے دھیرے

لاکھ بھولوں مجھے یاد آئے گی دھیرے دھیرے

خود کو ہر داستاں دھرائے گی دھیرے دھیرے

کتنے دکھ درد و الم اور ابھی سہنا ہیں

زندگی خود مجھے بتلائے گی دھیرے دھیرے

حوصلہ دل کو ہے جینے کا تو منزل اک دن

میرے قدموں میں چلی آئے گی دھیرے دھیرے

دھوپ چھاؤں میں رہی رنج و خوشی کی ہر دم

زندگی یوں ہی گزر جائے گی دھیرے دھیرے

وہ بھی کیا دن تھے سرِ شام ملا کرتے تھے

شام جب آئے گی تڑپائے گی دھیرے دھیرے

لوٹ آئے گا مجھے چھور کے جانے والا

بیقراری میری رنگ لائے گی دھیرے دھیرے

ساری دنیا ہی یہاں درپئے آزار ہے گُل

دیکھیے اور کیا دکھلائے گی دھیرے دھیرے

کوثر گل