یہ کس کا لاڈلہ ہے اور کون شہسوار ہے

 عارفانہ کلام حمد نعت منقبت

یہ کس کا لاڈلہ ہے اور کون شہ سوار ہے

فلک سے بھی بلند جس کے پاؤں کا غبار ہے

لٹائیں اپنے ہاتھوں میں اٹھا کے شیر خوار بھی

یہ عشق ہے محمدیﷺ، بڑا ہی ذی وقار ہے

حسینؑ اپنے ہی لہو سے جو سنوارتے رہے

چہار سُو وہ گُلستانِ مصطفیٰﷺ کی بہار ہے

خُدا کے سامنے کٹائیں گے وہ سر کو سجدے میں

نماز کو نہ چھوڑیں گے، حسینؑ کی پکار ہے

جو دیکھا ہے حسینؑ کو، یزیدیوں میں غُل مچا

یہ کون ذی وقار ہے، بلا کو شہ سوار ہے

کسی لعیں یزید کو وہ دیں گے ہاتھ کس لیے

نبیؐ کے دین کے لیے ہر اک وہ جاں نثار ہے

محمد احمد زاہد