دیے کی لو مری اندر سے نسبت ہے

دِیے کی لو مِری اندر سے نِسبت ہے

کہ ہر منظر کی پس منظر سے نسبت ہے

سہولت سے پڑا ہوں چاک پر اپنے

مِری مٹی کی کوزہ گر سے نسبت ہے

مِرے بٹوے میں کچھ سانسیں بقایا ہیں

بس اتنی سی ہی مجھ کو زر سے نسبت ہے

ثمر ہونے سے ہوتا ہے کوئی رشتہ🍍

شجر کی جس طرح پتھر سے نسبت ہے

 ❗کسی کی لا مکانی ہے مکیں مجھ میں

مِرے گھر کی کسی بے گھر سے نسبت ہے

سو خود پر فتح بھی حاصل نہیں کرنی

مِری ہارے ہوئے لشکر سے نسبت ہے

سفر کا دھول سے ہوتا ہے اندازہ💢

کہ خاکِ رہ کی بھی رہبر سے نسبت ہے

💢تغافل تو نہیں برتا کبھی زاہد💢

مگر میری کسی بہتر سے نسبت ہے

زاہد نبی