سیرابِ سخن ہوتے ہیں بارانِ قلم سے
لفظوں نے بڑے کھیل کیے عشق میں ہم سے
بس کارگہِ ہوش و خِرد جھَیل رہا ہوں
جی اوب گیا مجلسِ شوریٰ کے بھرم سے
قلعے بھی جلے جاتے ہیں خاشاک کی مانند
وہ آگ اُگلتی ہے زمیں نقشِ قدم سے
وہ روٹھ گئے، شامتِ اعمال پہ روؤ
کیا ٹھیک جو آنسو انہیں راضی کریں ہم سے
محروم ہوئے روزوں کی لذت سے بھی ہیہات
بے کیف تھے ہم ترکِ تراویح کے غم سے
رئیس الشاکری
No comments:
Post a Comment