کوئی جہاں میں آپ سا پیدا ہوا نہیں

 عارفانہ کلام حمد نعت منقبت

جس دل میں آرزوئے حبیبؐ خدا نہیں

اس دل میں بھول کر بھی خدا جھانکتا نہیں

ہجرِ نبیﷺ میں کون سی شب رو دیا نہیں

ایسا ہوا نہیں،۔ کبھی ایسا ہوا نہیں

ہے جس کی ذات باعثِ تخلیقِ کائنات

ہفت آسماں میں کون انہیں جانتا نہیں

راہوں میں ان کے خار بچھانے کے باوجود

نکلی کبھی عدو کے لیے بد دعا نہیں

پل بھر میں سیرِ عرشِ بریں کر کے آ گئے

ان کے سوائے ایسا کسی سے ہوا نہیں

سرکارؐ کی میں سادگی کیسے بیاں کروں

کب پہنا جامہ جس میں کہ پیوند تھا نہیں

شاہد زمین و آسماں شمس و قمر بھی ہیں

کوئی جہاں میں آپﷺ سا پیدا ہوا نہیں

شاہیں انہیں میں نورِ سراپا نہ کیوں کہوں

جن کا کسی بھی حال میں سایا رہا نہیں

محمد عثمان شاہین