کب ستارا ہیں آپ بھی ہم بھی

 کب ستارا ہیں آپ بھی ہم بھی

اینٹ گارا ہیں آپ بھی ہم بھی

ہم خسارہ ہیں آپ بھی ہم بھی

گوشوارہ ہیں آپ بھی ہم بھی

کب زمانے کی ہم ضرورت ہے

بس گزارا ہیں آپ بھی ہم بھی

کِرچی کِرچی ہیں آئینہ خانے

پارہ پارہ ہیں آپ بھی ہم بھی

جانے اس خود پرست دنیا کو

کیوں گوارہ ہیں آپ بھی ہم بھی

چِیدہ چِیدہ حِساب کہتا ہے

یک خسارہ ہیں آپ بھی ہم بھی

آئینہ رنگ ہیں مزاج اپنے

عکس پارہ ہیں آپ بھی ہم بھی

بابر جاوید