عارفانہ کلام حمد نعت منقبت
کوئی جا کر یہ کہہ دے روضۂ محبوبِ سبحاں پر
ترحم یا نبی اللہﷺ کسی بیمار ہجراں پر
جھکے پڑتے ہیں گیسوئے معنبر روئے قرآں پر
گھٹائیں رحمتوں کی چھا رہی ہیں صحنِ بُستاں پر
میں مٹ مٹ کر بہاریں لُوٹتا ہوں زندگانی کی
تڑپتا ہے مِرا لاشہ زمینِ کُوئے جاناں پر
دلِ مُضطر تِری دیوانگی میں آگ لگ جائے
قدم رکھ کر کہیں چلتے ہیں خاکِ کُوئے جاناں پر
ہوئی دامانِ رحمت میں مِری تر دامنی پنہاں
گریں چشمِ ندامت سے جہاں دو بُوند داماں پر
بالآخر جذبۂ صادق اثر لایا خلیل اپنا
کہ طیبہ آ گیا لاشہ مِرا دوشِ عزیزاں پر
مفتی محمد خلیل برکاتی
No comments:
Post a Comment