بے وطن ہوں وطن میں آ کر بھی
جل رہا ہوں چمن میں آ کر بھی
میری ہستی کا پوچھتے کیا ہو
جان بے جاں ہے تن میں آ کر بھی
پائی ناقدریٔ ادب اکثر
ہم نے بزم سخن میں آ کر بھی
رکھا تیر ستم مِری جانب
اس نے دیوانہ پن میں آ کر بھی
بد نمائی نہ چھپ سکی دل کی
خوشنما پیرہن میں آ کر بھی
بے سکوں ہی رہے سدا کی طرح
ہم تِری انجمن میں آ کر بھی
حیف پائی نہیں اماں ہاتف
شہر والوں نے بن میں آ کر بھی
ہاتف عارفی فتحپوری
No comments:
Post a Comment