تجھ سے ظالم کو پیار کون کرے
زندگی مفت خوار کون کرے
حالِ وحشت تو ان کو ہے معلوم
پیرہن تار تار کون کرے
پردہ در ہے کسی کا پردا ہی
حال یہ آشکار کون کرے
نگہِ یار ہی جو سیدھی ہو
تیر پھر دل کے پار کون کرے
کوئی منصور بھی تو ہم میں ہو
کہہ کے حق کارِدار کون کرے
درگزر کی یہ کہہ کے رحمت نے
تیرے عِصیاں شمار کون کرے
دل لگائیں گے ہم نہ پھر نادر
دل لگی بار بار کون کرے
نادر شاہجہانپوری
جان پال رابرٹ
No comments:
Post a Comment