مصطفیٰ کے دیوانے کب کسی سے ڈرتے ہیں

 عارفانہ کلام حمد نعت منقبت

مصطفیٰؐ کے دیوانے کب کسی سے ڈرتے ہیں

ذکر کملیﷺ والے کا کرنے والے کرتے ہیں

عقل کے جو بندے ہیں خود ہی ڈوب جاتے ہیں

عشق والے طوفاں میں ڈوب کر ابھرتے ہیں

آپؐ کے پیسنے سے جن گُلوں کو نسبت ہے

موسم خزاں میں وہ اور بھی نکھرتے ہیں

پتھروں سے اٹھتی ہے گونج پھر سلاموں کی

جس گلی محلوں سے مصطفیٰؐ گزرتے ہیں

ہے طریقہ نبیوں کا یہ خدا کی سنت ہے

ذکر مصطفیٰؐ سارے اللہ والے کرتے ہیں

فکر مصطفیٰؐ سے ہی ذکر مصطفیٰؐ سے ہی

بخت بھی جگاتے ہیں جھولیاں بھی بھرتے ہیں

دل جلے حسینوں پر مر گئے تو کیا ہوا

ہم تو ہیں دیوانے جو نبیﷺ پہ مرتے ہیں

آپﷺ کی محافل میں ناصر آ ہی جاتے ہیں

خوش نصیب وہ بندے جو خدا سے ڈرتے ہیں

ناصر چشتی