عارفانہ کلام حمد نعت منقبت
قطرے سے مِرے دامن خالی کو بھر دیا
تُو نے سمندروں سے ہے پیالی کو بھر دیا
رکھا قدم حضورﷺ نے کس پیار سے کہ پھر
لاکھوں گُلوں سے ایک ہی ڈالی کو بھر دیا
تارے ہیں آسمان کی جھولی میں یا کہ پھر
خیرات سے فقیر کی تھالی کو بھر دیا
جالی کی ہو کر رہ گئیں آنکھیں لپٹتے ہی
یوں نور سے حضورؐ نے جالی کو بھر دیا
تل تل سے ابل خلد نے چہرے سجا لیے
جنت کو تُو نے فیض بلالی سے بھر دیا
ناصر درود پاک کی خوشبو کے فیض سے
آقاﷺ نے میرے سانس کی نالی کو بھر دیا
ناصر چشتی
No comments:
Post a Comment