اسلاف کا سرمایۂ فن چھوڑ چکے ہیں
جس پہ نہیں مُہر وہ دھن چھوڑ چکے ہیں
کب تک تجھے اوڑھے رہیں اے قدرِ زمانہ
ہم اپنا یہ بوسیدہ کفن چھوڑ چکے ہیں
صحرا میں کہیں تُو بھی ملا تھا یہ نہیں یاد
رستے میں کئی دشت و دمن چھوڑ چکے ہیں
اک مسئلہ ہے؛ قتل کریں یا ہمیں پوجیں
اغیار کے ماتھے پہ شکن چھوڑ چکے ہیں
ہم بُوئے صبا بن کے چمن سے نکل آئے
سوتے ہوئے ہر سر و سمن چھوڑ چکے ہیں
آ جاتے ہی ہم زد میں مگر پیشتر اس کے
ڈھتے ہوئے ارکانِ سخن چھوڑ چکے ہیں
محمود اقبال کاظم
No comments:
Post a Comment