حضرتِ دل کا تِرے نام سے اٹھنا گرنا
وہی پہلے کی طرح شام سے اٹھنا گرنا
پھر چلے جائیں گے وہ پھر وہی فرقت ہو گی
کس لیے وصل کے ہنگام سے اٹھنا گرنا
کس کو فرصت ہے یہاں کون اذیت دے گا
وہ تو بس وحشت آلام سے اٹھنا گرنا
میں مہذب ہوں مِرے ساتھ ادب سے بیٹھو
میں چلا جاؤں تو آرام سے اٹھنا گرنا
جب تمہیں مجھ سے ذرا سی بھی محبت نہ رہی
تو غلط ہے نہ مِرے نام سے اٹھنا گرنا
مختار انصاری
No comments:
Post a Comment