عارفانہ کلام حمد نعت منقبت
زمیں کی گود میں ڈالی امانتیں کیا کیا
حسینؑ لائے وفا کی شہادتیں کیا کیا
وہ بات خون سے لکھی نئے حوالوں سے
ابھر کے سامنے آئیں علامتیں کیا کیا
کہیں پہ پرتوِ حیدرؑ، کہیں پہ شکلِ نبیٌ
دکھائی دیتی ہیں صحرا میں صورتیں کیا کیا
کبھی لہو کبھی مٹی جبیں پہ مل لینا
دلِ حسینؑ پہ اتریں قیامتیں کیا کیا
دیارِ شام! تجھے بھی گواہ رہنا ہے
سحر کے واسطے آئیں قیادتیں کیا کیا
یزید لمحے تو بے موت مرتے رہتے ہیں
تمہارے بعد کھلی ہیں حقیقتیں کیا کیا
حسن ناصر
No comments:
Post a Comment