کیا کِیا پھول سے لمحوں کو گنوانے کے سوا
پتیاں نوچ کے پانی میں بہانے کے سوا
رات، پل بھر کے لیے گھر میں ہوا آئی تھی
کام ہی کیا تھا اسے شمع بجھانے کے سوا
زندگی! تُو مِرے چہرے پہ ہنسے یا روئے
میں کہاں جاؤں تِرے آئینہ خانے کے سوا
کُوچۂ یار! تِری قدر شناسی تسلیم
کر سکے کچھ نہ ہمِیں خاک اڑانے کے سوا
سب کے چہرے پہ رہیں پُشت کی جانب آنکھیں
کوئی رستہ نہ رہا ٹھوکریں کھانے کے سوا
ہم نے انسان کی تاریخ پڑھی ہے قیصرؔ
دل نہ پایا کہیں پتھر کے زمانے کے سوا
پتیاں نوچ کے پانی میں بہانے کے سوا
رات، پل بھر کے لیے گھر میں ہوا آئی تھی
کام ہی کیا تھا اسے شمع بجھانے کے سوا
زندگی! تُو مِرے چہرے پہ ہنسے یا روئے
میں کہاں جاؤں تِرے آئینہ خانے کے سوا
کُوچۂ یار! تِری قدر شناسی تسلیم
کر سکے کچھ نہ ہمِیں خاک اڑانے کے سوا
سب کے چہرے پہ رہیں پُشت کی جانب آنکھیں
کوئی رستہ نہ رہا ٹھوکریں کھانے کے سوا
ہم نے انسان کی تاریخ پڑھی ہے قیصرؔ
دل نہ پایا کہیں پتھر کے زمانے کے سوا
قیصر الجعفری
No comments:
Post a Comment