ان سے کہیں ملے ہیں تو ہم یوں کبھی ملے

ان سے کہیں ملے ہیں تو ہم یوں کبھی ملے
اک اجنبی سے جیسے کوئ اجنبی مِلے
بس ایک مے کدہ ہے یہاں وہ حسیں مقام
ہر شام اک سحر کی جہاں روشنی مِلے
مجھ کو ہُوا جہاں بھی اندھیروں کا سامنا
اکثر وہاں چراغ لیے آپ ہی مِلے
فرصت نہیں بہ خلوتِ گیسوئے عنبریں
کہہ دو غمِ حیات سے وہ پھر کبھی مِلے
دیکھا تو لوحِ دل پہ تِرے نام کے سوا
جلتے ہوئے نشانِ سِتم اور بھی مِلے
کچھ دور آؤ موت کے ہمراہ بھی چلیں
ممکن ہے راستے میں کہیں زندگی مِلے
ہونٹوں کے مئے، نظر کی کے تقاضے، بدن کی آنچ
اب کیا ضرور ہے کہ وہی رات بھی مِلے
ذوقِ وفا، فریبِ تمنا، خیالِ یار
کتنے ہی چارہ سازِ غمِ زندگی مِلے
ہوتا ہوں کچھ قریب تِری رہگزار سے
جب بھی جہاں جہاں بھی کوئی روشنی مِلے
جامی مرے خلوص نے سینے میں رکھ لیے
یارانِ  خود فریب سے جو زخم بھی مِلے

خورشید احمد جامی