درسِ خودداری
یقین ان کی عنایت کا زینہار نہ کر
بہشت بھی جو یہ بت دیں تو اعتبار نہ کر
ہر ایک اشک تماشائے صد گلستان ہے
امیدِ عیش کو شرمندۂ بہار نہ کر
وہ مرگِ عشق کی لذت سے آشنا ہی نہیں
دعائے خضرؑ پہ آمین بار بار نہ کر
ترانہ جنگ کا شورِ شکستِ دل کو سمجھ
کبھی اطاعتِ تقدیرِ روزگار نہ کر
جہاں میں کشمکشِ جہد کا ہے نام حیات
یقین مسئلۂ جبر و اختیار نہ کر
متاعِ عیش فتوحات سعی کا ہے صلہ
سپاس سنجئ ایامِ روزگار نہ کر
یقین ان کی عنایت کا زینہار نہ کر
بہشت بھی جو یہ بت دیں تو اعتبار نہ کر
ہر ایک اشک تماشائے صد گلستان ہے
امیدِ عیش کو شرمندۂ بہار نہ کر
وہ مرگِ عشق کی لذت سے آشنا ہی نہیں
دعائے خضرؑ پہ آمین بار بار نہ کر
ترانہ جنگ کا شورِ شکستِ دل کو سمجھ
کبھی اطاعتِ تقدیرِ روزگار نہ کر
جہاں میں کشمکشِ جہد کا ہے نام حیات
یقین مسئلۂ جبر و اختیار نہ کر
متاعِ عیش فتوحات سعی کا ہے صلہ
سپاس سنجئ ایامِ روزگار نہ کر
آغا حشر کاشمیری
No comments:
Post a Comment