کاوشِ روزگار میں عمر گزار دی گئی
جبر کے اختیار میں عمر گزار دی گئی
دستِ سبک شعار سے شوق رفوگری کا تھا
جامۂ تار تار میں عمر گزار دی گئی
بامِ خیال پر اسے دیکھا گیا تھا ایک شب
کھینچ رہی تھی کوئی شے ہم کو ہر ایک سمت سے
گردشِ بے مدار میں عمر گزار دی گئی
زخمِ امید کا علاج کوئی نہیں کِیا گیا
پُرسشِ نوکِ خار میں عمر گزار دی گئی
ساری حقیقتوں سے ہم صرفِ نظر کیے رہے
خواب کے اعتبار میں عمر گزار دی گئی
وہ جو گیا تو ساتھ ہی وقت بھی کالعدم ہوا
لمحۂ سوگوار میں عمر گزار دی گئی
رکھا گیا کسی سے یوں ایک نفس کا فاصلہ
سایۂ مشکبار میں عمر گزار دی گئی
دھول نظر میں رہ گئی اس کو وِداع کر دیا
پھر اسی غبار میں عمر گزار دی گئی
جون ایلیا
No comments:
Post a Comment