فرازِ طورِ انا سے اتر کے دیکھتے ہیں
حیات کیا ہے کسی روز مر کے دیکھتے ہیں
جہاں بلندی و پستی میں امتیاز نہ ہو
ہم ایسے لوگ وہاں کب ٹھہر کے دیکھتے ہیں
یہ آگہی کا سفر ضبط کی ریاضت ہے
چلو کہ پھول بچھاتے ہیں راہِ یاراں میں
چلو کہ جھولیاں کانٹوں سے بھر کے دیکھتے ہیں
ہتھیلیوں پہ لیے شب نصیب آنکھوں کو
ہم اہلِ قافلہ امکاں سحر کے دیکھتے ہیں
اٹھائیں گے وہ کہاں انقلاب کا پرچم
جو لوگ خواب بھی دیکھیں تو ڈر کے دیکھتے ہیں
سرور ارمان
No comments:
Post a Comment