اب کے کچھ ایسی سجی محفلِ یاراں جاناں
سر بہ زانوں ہے کوئی سر بہ گریباں جاناں
ہر کوئی اپنی ہی آواز سے کانپ اٹھتا ہے
ہر کوئی اپنے ہی سائے سے ہراساں جاناں
جس کو دیکھو وہ ہی زنجیز بہ پا لگتا ہے
ہم بھی کیا سادہ تھے ہم نے بھی سمجھ رکھا تھا
غمِ دوراں سے جدا ہے غمِ جاناں، جاناں
ہم، کہ رُوٹھی ہوئ رُت کو بھی منا لیتے تھے
ہم نے دیکھا ہی نہ تھا موسمِ ہجراں جاناں
ہوش آیا تو سب ہی خاک تھے ریزہ ریزہ
جیسے اڑتے ہوئے اوراقِ پریشاں جاناں
احمد فراز
No comments:
Post a Comment