ایک بھی چِھینٹ نہ اڑنے دی کہیں پانی کی
ریت نے آپ سمندر کی نگہبانی کی
کانچ کے جسم پہ پہنی ہے قبا پانی کی
پھر بھی تہمت نہ لگے حسن پہ عریانی کی
زندگی کاہشِ بے سود کا خمیازہ ہے
اتنے ہی تُو نے مری راہ میں کانٹے بوئے
جس قدر میں نے تری راہ میں آسانی کی
ہاتھ اگر خون میں رنگ لو گے تو روزِ محشر
ہو گی محراب سے توقیر نہ پیشانی کی
اتنا منظر میں تحیر نہیں ہوتا اکثر
جتنی ہوتی ہے جگہ آنکھ میں حیرانی کی
جس طرح رکھتا ہے وہ اپنے اسیروں کا خیال
کون یوں خیر خبر رکھتا ہے زِندانی کی
صرف آنکھیں ہی تحیر کا پتہ دیتی ہیں
ہم سے تصویر تو بنتی نہیں حیرانی کی
واجد امیر
No comments:
Post a Comment