برہمن و شیخ تو دیر و حرم تک لے گئے
ہم دلِ پُرشوق کو بیت الصنم تک لے گئے
اب اسے دیوانہ پن کہیے کہ حُسنِ اعتقاد
بارہا اپنی جبیں نقشِ قدم تک لے گئے
کی تو ہے اتنی جسارت دیکھیں کیا انجام ہو
یعنی حرفِ مُدعا، نوکِ قلم تک لے گئے
جان بھی نکلی تو نکلی انتظارِ یار میں
ہم کسی کی آرزو ملکِ عدم تک لے گئے
کُشتگانِ ناز کا شوقِ شہادت دیکھیے
اپنی گردن آپ ہی تیغِ ستم تک لے گئے
رات کا کٹنا ہی مُشکل تھا، نہ کاٹے کٹ سکی
صبحِ ہجراں کو تو جوں توں شامِ غم تک لے گئے
مانگنے کے واسطے حُسن و جوانی کی زکوٰۃ
کاسۂ دل خارؔ ہم اہلِ کرم تک لے گئے
ہم دلِ پُرشوق کو بیت الصنم تک لے گئے
اب اسے دیوانہ پن کہیے کہ حُسنِ اعتقاد
بارہا اپنی جبیں نقشِ قدم تک لے گئے
کی تو ہے اتنی جسارت دیکھیں کیا انجام ہو
یعنی حرفِ مُدعا، نوکِ قلم تک لے گئے
جان بھی نکلی تو نکلی انتظارِ یار میں
ہم کسی کی آرزو ملکِ عدم تک لے گئے
کُشتگانِ ناز کا شوقِ شہادت دیکھیے
اپنی گردن آپ ہی تیغِ ستم تک لے گئے
رات کا کٹنا ہی مُشکل تھا، نہ کاٹے کٹ سکی
صبحِ ہجراں کو تو جوں توں شامِ غم تک لے گئے
مانگنے کے واسطے حُسن و جوانی کی زکوٰۃ
کاسۂ دل خارؔ ہم اہلِ کرم تک لے گئے
خار دہلوی
No comments:
Post a Comment