ایڑیوں تک تِری چوٹی کی رسائی ہوتی
کل جو آنی تھی بلا، آج ہی آئی ہوتی
روزِ بِحراں شبِ تاریک جدائی ہوتی
مرضِ عشق و طبیعت سے لڑائی ہوتی
قدِ موزوں رخِ رنگیں جو دکھاتا تو انہیں
دستِ محبوب کا مرجاں نے دیا تھا دھوکا
پنجہ جیسا تھا جو ویسی ہی کلائی ہوتی
چھین کر دل کو لیا خوب کیا اے شہِ حسن
مانگ کر ہم سے جو لیتا تو گدائی ہوتی
دولت اللہ سے کرتے جو طلب دیوانے
نقرئی طوق تو زنجیر طلائی ہوتی
بزمِ رنگیں میں تیری سبز قدم رہنے نہ پائیں
گھاس اکھڑتی جو چمن سے تو صفائی ہوتی
ان عذاروں کی جو پاتی یہ صباحت آتشؔ
یاسمین باغ میں پھولے نہ سمائی ہوتی
خواجہ حیدر علی آتش
No comments:
Post a Comment