شیشے میں چہرہ، چہرے پہ آنکھیں
آنکھوں کے پیچھے، سپنوں کا جنگل
جنگل میں دریا، دریا میں لہریں
لہروں پہ کشتی، کشتی میں ہلچل
جذبات نکھریں، جب مجھ پر بکھریں
اجلے اندھیرے، ساتھی ہیں میرے
جینا بھی چاہوں، مرنا بھی آئے
میرا فسانہ،۔۔ میری کہانی
کتنی ادھوری،۔۔ کتنی مکمل
جتنے دِیے ہیں، میرے لیے ہیں
دل مجھ پر واریں، رنگین بہاریں
باغوں میں کلیاں، کلیوں میں خوشبو
خوشبو کے جھونکے، مجھ کو پکاریں
جھونکوں سے مل کر، آنگن میں دل کے
پگلی تمنا،۔۔ ناچے مسلسل
مظفر وارثی
No comments:
Post a Comment