دفن جو صدیوں تلے ہے وہ خزانہ دے دے
ایک لمحے کو مجھے اپنا زمانہ دے دے
چھاپ دے اپنے خد و خال مِری آنکھوں پر
پھر رہائش کے لیے آئینہ خانہ دے دے
اور کچھ تجھ سے نہیں مانگتا میرے آقا
موت جب آئے مجھے کاش تِرے شہر میں آئے
خاکِ بطحا سے بھی کہہ دے کہ ٹھکانہ دے دے
زندگی جنگ کا میدان نظر آتی ہے
میری ہر سانس کو آہنگِ ترانہ دے دے
اپنے ہاتھوں ہی پریشان ہے امت تیری
اس کے الجھے ہوئے حالات کو شانہ دے دے
اپنے ماضی سے مظفرؔ کو ندامت تو نہ ہو
اس کے اِمروز کو فردائے یگانہ دے دے
مظفر وارثی
No comments:
Post a Comment