اس درجہ پائمال نہ ہوتے جفا سے ہم
لُوٹے گئے سیاستِ مہر و وفا سے ہم
باقی ہی کیا رہا ہے تجھے مانگنے کے بعد
بس اک دعا میں چھُوٹ گئے ہر دعا سے ہم
“یہ کیا کہا، ”جنوں ہے محبت کی انتہا
جس آستاں کو ہم سے ملِیں لاکھ عظمتیں
وا حسرتا! اسی پہ کھڑے ہیں گدا سے ہم
اے حسنِ بیکراں! تِرے ملنے کا ذکر کیا
آنکھیں لگا سکے نہ تِری خاکِ پا سے ہم
رحمت کے لعل و لب پہ پسینہ سا آ گیا
گردابِ معصیت سے ہٹے تھے ذرا سے ہم
عامر عثمانی
No comments:
Post a Comment