گونگے دیار سے نکل اہلِ سخن میں آ گئے
پاٹ کے بحرِ بے رخی اپنے وطن میں آ گئے
شبنمی دلبروں کے سنگ کاٹ کے سختیوں کے دشت
رونقِ شوق دیکھنے کوہ و دمن میں آ گئے
لذتِ نانِ خشک بھی دیتی ہے بے طرح مزا
پانے کو مشکِ جاوِداں، بھرنے بدن میں بجلیاں
بچھڑے ہوئے ہرن کئی دشتِ ختن میں آ گئے
مدتوں بعد کوہکن مانگنے اپنا کھویا دھن
کاٹنے ٭بیستوں نئے اپنی مگن میں آ گئے
سعادت سعید
٭بیستوں: فارس/ایران کا مشہور پہاڑ جسے فرہاد نے کھود کر شیریں کے لیے نہر نکالی تھی۔
No comments:
Post a Comment