جو میرا ہے وہ تیرا بھی افسانہ ہوا تو

جو میرا ہے وہ تیرا بھی افسانہ ہوا تو

ماحول کا انداز ہی بے گانہ ہوا تو

تم قتل سے بچنے کا جتن خوب کرو ہو

قاتل کا اگر لہجہ شریفانہ ہوا تو

ساقی تو مِرا جام سدا بھرتا رہا ہے

خالی جو مِری زیست کا پیمانہ ہوا تو

اسکو بھی بٹھا دیتے ہو داناؤں کی صف میں

گستاخ اگر بزم میں دیوانہ ہوا تو

کعبے کی زیارت کا سفر کر تو رہے ہو

رستے میں کہیں کوئی صنم خانہ ہوا تو

بیکلؔ نے تجھے دشمنِ جانی ہی کہا ہے

تجھ سے جو اچانک کہیں یارانہ ہوا تو

بیکل اتساہی​