بیچ چوراہے ہوئے جاتے ہیں ہم خود نیلام
عصرِ حاضر کے بہی خواہوں پہ کیسا الزام
خون رلاتے ہیں ہمیں کاغذی سرمائے کے بھوت
ایسا لگتا ہے کہ بکتے ہیں ممالک بے دام
کھل رہے ہیں نئے مقتل بھی انہیں کے دم سے
یعنی جمہور کے راکھے بھی ہیں وہ امن طلب
جن کے ہونٹوں پہ چمکتا ہے سدا جنگ کا نام
بے گناہوں کی ہلاکت میں ہلاکو کی مثال
ایسے چنگیز کہ جو پیتے ہوں بس خون کے جام
ان کے ہر قرئیے کا انسان ہے ایسا آزاد
جس جگہ چاہے وہ عالم میں بچھا سکتا ہے دام
سعادت سعید
No comments:
Post a Comment