عشق کیا اور کیا ہوس بس بس

عشق کیا اور کیا ہوس، بس بس 

چھوڑ دے تُو یہ بحث، بس بس بس 

کچھ نشاں تو کمر کا رہنے دے

یوں نہ بندِ قبا کو کس، بس بس

ہو گیا راکھ ، جل کے ہاتھ مِرا

جب ہُوا اس بدن سے مَس، بس بس 

نشہ وصل کے خمار میں تھا

نشۂ وصل کے خمار میں تھا

میں کہ جو گم خیالِ یار میں تھا

اس لیے جبر اختیار کِیا

جبر ہی میرے اختیار میں تھا

اس نے دیکھا تو سب کو آیا نظر

ورنہ میں کب کسی شمار میں تھا

خوشبوئے گُل کو یوں نہ بکھر جانا چاہئے تھا

خوشبوۓ گُل کو یُوں نہ بکھر جانا چاہیے تھا

خود موجۂ ہوا کو ٹھہر جانا چاہیے تھا

کیوں ہو گیا محِیط مِری ساری زندگی پر

اس پَل کو، ایک پَل میں گزر جانا چاہیے تھا

دیکھا اسے تو بڑھ کے گلے لگ گیا میں خود ہی

حالانکہ مجھ کو موت سے ڈر جانا چاہیے تھا

چراغ ہجر جلا ہے جلا رہے گا دوست

چراغِ ہجر جلا ہے جلا رہے گا دوست 

ہمارا چہرہ بجھا ہے، بجھا رہے گا دوست

شکستگاں کو ملے گا شکستگاں کا لہو

یہ سلسلہ سرِ مقتل بنا رہے گا دوست 

فنا پذیر ہے دنیا،۔ فنا پذیر ہیں لوگ 

خدا رہا ہے ہمیشہ، خدا رہے گا دوست

غم کے دوزخ کا دھواں شہر پہ جب چھا جائے

غم کے دوزخ کا دھواں شہر پہ جب چھا جائے 

سنسناتی ہوئی آندھی بھی وہیں آ جائے 

دیکھنے والے تِری آنکھ میں وہ منظر ہیں 

دیکھنے والا جنہیں دیکھ کے پتھرا جائے 

چہرۂ زیست ہے جلاد کا چہرہ دراصل 

شرط یہ ہے کہ ذرا غور سے دیکھا جائے 

ان گھٹن آلود خوابوں کو خزانہ مت سمجھ

ان گھٹن آلود خوابوں کو خزانہ مت سمجھ

جو دکھائی دے رہا ہے دوست ویسا مت سمجھ

آگ میں پھونکے تخیل کے لیے کیا حرفِ داد

راکھ ہوتی شاعری کو میرا لہجہ مت سمجھ

ذائقہ اس شہر کے موسم کا ہے کھارا بہت

پھل درختوں پر لگا ہے جو وہ میٹھا مت سمجھ

حبس میں لپٹا ہوا موسم اگر ساون بنے

حبس میں لپٹا ہوا موسم اگر ساون بنے

سانس دروازے کھلیں تن روح کا مسکن بنے

مفلسی آنکھوں کے ایوانوں سے باہر آ گئی 

خواب میزوں پر رکھے تو کانچ کے برتن بنے

ہر صراحی چومتا ہوں اس نشے کے ساتھ میں 

معجزائے عشق سے شاید تری گردن بنے

اس نئے غم سے کنارہ بھی تو ہو سکتا ہے

اس نئے غم سے کنارہ بھی تو ہو سکتا ہے

عشق پھر ہم کو دوبارہ بھی تو ہو سکتا ہے

آپ اندازہ لگاتے رہیں بس جگنو کا

مری مٹھی میں ستارہ بھی تو ہو سکتا ہے

کیا ضروری ہے کہ یہ جان لٹا دی جائے

اس کی یادوں پہ گزارہ بھی تو ہو سکتا ہے

ترے کانوں میں کوئی بات بتانی تھی ہمیں

ترے کانوں میں کوئی بات بتانی تھی ہمیں

دل میں سکھیوں کے تری آگ لگانی تھی ہمیں

ہمیں بازار نے ٹھکرایا تو گھر لوٹے ہیں 

اک محبت تو بہرحال نبھانی تھی ہمیں

چاندنی آپ کی آنکھوں میں بھلی لگتی ہے 

ہو اجازت تو ذرا عمر بِتانی تھی ہمیں

دھڑکنیں محبت کی دل نشین خاموشی

دھڑکنیں محبت کی، دل نشین خاموشی

مرحبا اے ہنگامو! آفرین خاموشی

کج بیاں ٹھکانوں سے، دور اک خرابے میں 

گھر بنا کے رہتی ہے، اک ذہین خاموشی

شام ہے یہ وعدے کی، عشق کے ارادے کی

اک جواں سا سناٹا، اک حسین خاموشی

ہم نے جلتے ہوئے خیموں کی وہ شامیں رکھ دیں

ہم نے جلتے ہوئے خیموں کی وہ شامیں رکھ دیں

شعر میں لفظ رکھے، لفظ میں چیخیں رکھ دیں

میں نے بھی اس کو دیا پہلی ملاقات میں دل

میرے دامن میں بھی اس نے مری غزلیں رکھ دیں

یوں لگا آنکھ بچانے پہ جھپکتی ہے پلک

اسی تصویر پہ میں نے بھی نگاہیں رکھ دیں

یہ عشق ہے جنوں نہیں ہوتا ہے سائیں جی

یہ عشق ہے جنوں نہیں ہوتا ہے سائیں جی

یہ کاروبار یوں نہیں ہوتا ہے سائیں جی

سینے کا سنگ ہے تو سنبھل کر سہارئیے

سچ کوہِ بے ستوں نہیں ہوتا ہے سائیں جی

کس کس جگہ ذلیل ہو کس کس جگہ ہو خوار

انسان یوں زبوں نہیں ہوتا ہے سائیں جی

ناراض ہو کیوں کیا یہ مدینہ ہے سکینہ

عارفانہ کلام منقبت سلام مرثیہ

ناراض ہو کیوں، کیا یہ مدینہ ہے سکینہ

بتلاؤ، کہ یہ کیسا پسینہ ہے سکینہ؟

زندان بہ زندان ہے تُو قید ہے جس میں

جو راستہ ہے زینہ بہ زینہ ہے سکینہ

عباس! بھتیجی کی طرف غور سے دیکھو

یہ تشنہ بہ لب جو ہے، سکینہ ہے سکینہ

ہم نے کیا کیا نہ کیا اہل ہنر ہونے تک

ہم نے کیا کیا نہ کیا اہلِ ہنر ہونے تک 

خون ہوتا ہے جگر آئینہ گر ہونے تک

ایک پروانہ کہ تھا محوِ طوافِ شبِ ہجر

پہلوئے شمع میں تھا وہ بھی سحر ہونے تک

یاد رکھیو کہ محبت میں نہیں صرف جنوں

یونہی دیوانے پھرو دشت میں گھر ہونے تک

ابھی پچھلے جنازوں کے نمازی گھر نہیں لوٹے

عارفانہ کلام منقبت سلام مرثیہ

ابھی پچھلے جنازوں کے نمازی گھر نہیں لوٹے

ابھی تازہ کھدی قبروں کی مٹی بھی نہیں سوکھی

اگربتی کی خوشبو سانس کو مصلوب کرتی ہے

پسِ چشمِ عزا ٹھہرے سرشکِ حشر بستہ میں ابھی احساس کا نم ہے

ابھی پُرسے کو آئے نوحہ گر واپس نہیں پہنچے

ابھی کنزِ غمِ جاوید میں صدہا الم ہیں، عرصۂ غم ہے

جو خوشی جو تیری رضا میاں تری خیر ہو

جو خوشی جو تیری رضا، میاں تِری خیر ہو

تُو بچھڑ رہا ہے تو جام میاں تری خیر ہو

کہیں یہ نہ ہو کوئی تجھ شجر کو بھی کاٹ دے

تُو بچا ہے گھر میں بڑا، میاں تری خیر ہو

خبر آ نہیں رہی خیر کی کسی سمت سے

مجھے جب سے اس نے کہا میاں تری خیر ہو

ڈوب جائیں گے تو پانی سے نکل آئیں گے

ڈوب جائیں گے تو پانی سے نکل آئیں گے

گمشدہ لوگ کہانی سے نکل آئیں گے

اس کی مٹھی میں گرفتار ہیں ہم ریت کی شکل

رکتے رکتے بھی روانی سے نکل آئیں گے

ہم کہ تعمیر اسی شک میں دوبارہ نہ ہوئے

رائیگاں صورتِ ثانی سے نکل آئیں گے

ٹھہرنا بھی مرا جانا شمار ہونے لگا

ٹھہرنا بھی مِرا جانا شمار ہونے لگا 

پڑے پڑے میں پرانا شمار ہونے لگا

وہ سنگ جس کو حقارت سے رات بھر دیکھا

سحر ہوئی تو سرھانا شمار ہونے لگا

پھر ایسے ہاتھ سے مانوس ہو گئی تسبیح 

گنے بغیر بھی دانہ شمار ہونے لگا

قائل آہ و فغاں کے تھے ہی نہیں

قائل آہ و فغاں کے تھے ہی نہیں

ساۓ اس سائباں کے تھے ہی نہیں

شور گریہ پزیر ہوتا تھا 

قابل اپنے بیاں کے تھے ہی نہیں

ہمیں لوگوں نے اجنبی سمجھا 

ہم تو جیسے یہاں کے تھے ہی نہیں

میان دوستاں رہتا بہت ہوں

میانِ دوستاں رہتا بہت ہوں 

کہوں کس سے کہ میں تنہا بہت ہوں 

نجانے کیا خطا سرزد ہوئی تھی

میں اپنے آپ پر برسا بہت ہوں

پرندے بھی مجھے پہچانتے ہیں

میں ان پیڑوں تلے بیٹھا بہت ہوں

رنج و آزردگی میں کیا کچھ تھا

رنج و آزردگی میں کیا کچھ تھا

تیری موجودگی میں کیا کچھ تھا

چھوڑ آیا جنہیں سسکتے ہوئے

ہائے اس کی گلی میں کیا کچھ تھا

اس طرف تو بہت اندھیرا تھا

اس طرف روشنی میں کیا کچھ تھا

واہموں نے گھیرا ہے

واہموں نے گھیرا ہے 

دھوپ میں اندھیرا ہے

دور کے زمانے میں 

جوگیوں کا ڈیرہ ہے

پانیوں میں بہتے ہیں 

کون تیرا میرا ہے

سحر تہذیب نو تھا کہ تھی بے حسی نوحہ خواں چپ رہے

سحرِ تہذیبِ نَو تھا، کہ تھی بے حسی، نوحہ خواں چپ رہے

ایک بوڑھا بلکتے ہوۓ مر گیا، اور جواں چپ رہے

جان پاۓ نہ کچھ تیرے آگے فراوانئ شوق میں

ہم کہاں بے سبب بولتے ہی گئے اور کہاں چپ رہے

سسکیوں پر کہاں تک بھروسہ کیے جاؤ گے شاعرو؟

جبکہ دلدوز چیخوں کو سن کر بھی ہفت آسماں چپ رہے

برف پر خاک کے جالے نہیں اچھے لگتے

برف پر خاک کے جالے نہیں اچھے لگتے

ذہن پر خوف کے تالے نہیں اچھے لگتے

ریت تھکتے ہوئے قدموں کا بُرا مانتی ہے

دشت کو پاؤں کے چھالے نہیں اچھے لگتے

اس کا کہنا ہے چراغوں پہ قناعت کر لو

اور مجھے زرد اجالے نہیں اچھے لگتے

درد لا دوا دنیا

دردِ لا دوا دُنیا 

ایک ابتلا دنیا

وقت کے تعاقب میں

ہانپتی ہوا دنیا

یار کیوں نہیں ملتا

تُو ہی کچھ بتا دنیا

ہم تو عشق والے تھے

طالوت نکل آئے ہیں جالوت نکل آئے

طالُوت نکل آئے ہیں جالُوت نکل آئے

اس ’کہنہ قبیلے‘ سے کئی پُوت نکل آئے

جلتی ہوئی پیشانی پہ جب ہاتھ رکھے تُو

اندر سے مِرے عالمَ لاہوت نکل آئے

خوابوں کو لہو کرنے سے تب تک نہ ہٹوں گا

جب تک نہ مِری آنکھ سے یاقُوت نکل آئے

عجلت کو اختیار نہ کر انتظار کر

عجلت کو اختیار نہ کر انتظار کر

خود پر جنوں سوار نہ کر انتظار کر

یہ اضطرار ضعفِ جنوں کی دلیل ہے

یوں خود کو بے قرار نہ کر انتظار کر

مانا کہ شہرِ دل کی فصیلوں میں چھید ہیں

قائم ابھی حصار نہ کر انتظار کر

تو رزم گاہ تجسس میں دو بدو بھی نہیں

تُو رزم گاہِ تجسس میں دو بدو بھی نہیں

شکست خوردہ نہیں میں تو سرخرو بھی نہیں

اسے تو عالمِ لاہوت کہہ کے ٹال دیا

وہاں سے خاک ملے گی وہاں تو ’ہُو‘ بھی نہیں

تجھے جہاں کے پس و پیش میں تلاش کیا

تو جا بہ جا بھی نہیں ہے، تو رو برو بھی نہیں

آنسو سارے زخم پرانے دھو سکتا ہے

آنسو سارے زخم پرانے دھو سکتا ہے

پانی ہی پانی کے جیسا ہو سکتا ہے

اِن آنکھوں کی گہرائ سے ڈر جاتی ہوں

کاجل بھی آنکھوں میں جا کر کھو سکتا ہے

رات کو دیکھا خواب کئی تھے خواب کے اندر

خواب میں کوئی کتنے خواب سمو سکتا ہے

کوئی شکوہ مجھے تقدیر سے بیجا نہیں تھا

کوئی شکوہ مجھے تقدیر سے بیجا نہیں تھا

وہ میرا ہو بھی سکتا تھا مگر میرا نہیں تھا

مِرا ثابت قدم رہنا ضروری ہو گیا تھا 

مِرے چاروں طرف کوئی مِرے جیسا نہیں تھا

اسی اک سمت جاتے تھے سبھی رستے ہمارے

اسی اک سمت جانے کو مگر رستہ نہیں تھا

نہ کبھی تھی نہ پھر کبھی ٹھہری

نہ کبھی تھی نہ پھر کبھی ٹھہری

بات جو تھی مگر وہی ٹھہری

مجھ کو سمجھا رہے تھے فرزانے

اور میں ایک سر پھِری ٹھہری

جیسے جھرنا ہو گیت گاتا ہوا

میرا بچپن وہی ہنسی ٹھہری

ہے صبح دکھ اور شام دکھ ہے تمام دکھ ہے

ہے صبح دکھ اور شام دکھ ہے، تمام دُکھ ہے

نصیبِ انساں مدام دکھ ہے، تمام دکھ ہے

میں قطرہ قطرہ ہی پی رہا ہوں کہ جی رہا ہوں 

یہ زندگانی کا جام دکھ ہے، تمام دکھ ہے

نہ سن سکو گے مِری کہانی، مِری زبانی

تمام دکھ ہے، تمام دکھ ہے، تمام دکھ ہے

تھے اپنے ساتھ جو گرم سفر زیادہ تر

تھے اپنے ساتھ جو گرمِ سفر زیادہ تر

گئے ہیں راہ میں وہ چھوڑ کر زیادہ تر

کوئی کرے تو بھلا کس کا اعتبار کرے

کہ راہزن ہیں یہاں راہبر، زیادہ تر

جو بے ثمر ہیں، وہی سر کشیدہ ہوتے ہیں

خمیدہ رہتے ہیں صوفی شجر، زیادہ تر

کار دنیا کی الگ بات کہ ہاں ٹھیک نہیں

کارِ دنیا کی الگ بات کہ ہاں ٹھیک نہیں 

عشق میں فکر و غمِ سُود و زیاں ٹھیک نہیں

کچھ دنوں سے رگِ جاں ٹوٹتی رہتی ہے مِری 

کچھ دنوں سے مِری جاں! حالتِ جاں ٹھیک نہیں

ان کو معلوم ہی کب طرزِ جدا گانہ مِرا 

جو یہ کہتے ہیں، مِرا طرزِ فغاں ٹھیک نہیں

جب منڈیروں پہ چراغوں کی کمک جاری تھی

جب منڈیروں پہ چراغوں کی کمک جاری تھی

لفظ تھے لفظوں میں احساس کی سرداری تھی

اب جو لوٹا ہوں تو پہچان نہیں ہوتی ہے

کہاں در تھا، کہاں دیوار تھی، الماری تھی

وہ حویلی بھی سہیلی تھی پہیلی جیسی

جسکی اینٹوں میں میرے خواب تھے خودداری تھی

دیوار الجھ پڑی تو کبھی در الجھ پڑا

دیوار الجھ پڑی تو کبھی در الجھ پڑا

جب سے کوئی وجود کے اندر الجھ پڑا

میں آئینے کو دیکھ رہا تھا، کہ آئینہ

مجھ حیرتی سے آنکھ ملا کر الجھ پڑا

آواز دے رہا تھا کنارے پہ موج کو

پھر یوں ہوا کہ مجھ سے سمندر الجھ پڑا

زندگی نیند سے بیداری تک کا ثانیہ ہے

زندگی نیند سے بیداری تک کا ثانیہ ہے

لمبی سیاہ رات گزرنے کے بعد 

صبح کی پہلی دستک 

روشن کر دیتی ہے

بجھے ہوۓ چہرے 

اور زندہ کر دیتی ہے 

مری ہوئی آوازیں، کھڑکیاں اور کواڑ

عذاب ہمسائیگی

اقتباس از عذابِ ہمسائیگی

کرو تم یاد اس دن کو کہ جب تم نے

ہماری اک رقم کو روکنے کا فیصلہ کر کے

ہمیں مشکل میں ڈالا تھا

تمہارے اس غلط اور غاصبانہ حکم کی تنسیخ کی خاطر

تمہارے قائدِ اول نے خود کش برتھ رکھا تھا

کہ مذہب ہار جاتا ہے سیاست جیت جاتی ہے

مذہبی رہنما

کہ مذہب ہار جاتا ہے سیاست جیت جاتی ہے

مجھے اپنی ہمہ دانی کے اوپر عزمِ راسخ ہے 

سو میں بے تاب ہو کر پرچمِ مذہب اٹھاتا ہوں

اور اس کی چھتر چھایا میں 

مفاداتِ دُنی کے قافلے کو لے کے چلتا ہوں

عروج آدمیت حقوق نسواں

اقتباس از عروجِ آدمیت حقوقِ نسواں

یہ تھا ادبار عورت پر کہ جب پیغامِ حق آیا

خواتیں کے لیے انصاف کا پہلا سبق آیا

ہوا نازل صحیفۂ آخری توقیرِ انساں کا

دکھی عورت کی خاطر امن کا پیغامبر آیا

حرا کے غار سے روشن ہوا خورشید ایماں کا

ہوا منشورِ نو جاری حقوقِ نوعِ انساں کا

جرگہ تمہیں ایک فوقیت حاصل تھی دنیائے تمدن میں

(اقتباس از جرگہ (خود ساختہ قوانین 

تمہیں ایک فوقیت حاصل تھی دنیائے تمدن میں

تمہاری امتیازی شان تھی اقوامِ عالم میں

جہاں میں ایک نشاطِ ثانیہ کے پیش رو تم تھے

کئی اقدار کے بانی تھے تہذیبوں کے آنگن میں

جب انسانوں کے اوپر ظلم کا خفقان طاری تھا

تو اہلِ عالمِ اسلام کا فیضان جاری تھا

کرنے کو ستم ہم پر وہ کیا کیا نہیں کرتے

کرنے کو ستم ہم پر وہ کیا کیا نہیں کرتے

پر جاں سے گزر جائیں وہ اتنا نہیں کرتے

رِستے ہوئے زخموں کی نمائش نہیں کرتے

تپتے ہوئے احساس کا چرچا نہیں کرتے

تاریخ کے صحرا میں اڑاتے نہیں ہم خاک

مجنوں ہیں مگر ویسا تماشا نہیں کرتے

لگیں کس بے زباں کی بد دعائیں

لگیں کس بے زباں کی بد دعائیں

نگر کرنے لگا ہے سائیں سائیں

مجھے مسمار کرتی جا رہی ہیں

تِری یادوں کی پتھریلی ہوائیں

زمانے نے یہ پابندی لگائی

تِرے رونے کی آوازیں نہ آئیں

مرے خوابوں کے قتل عام کی ساری کہانی

مِرے خوابوں کے قتلِ عام کی ساری کہانی

مِرے اپنوں نے خوشیوں کے ہمالے سے

اترتا، رقص کرتا، بیش قیمت، قہقہوں کا بار ور پانی

مِرے دشمن کے ہاتھوں سستے داموں بیچ ڈالا ہے

اور، اب

دریائے راوی کے کنارے

صبح: جنوری کی شام کتنی سرد ہے

صبح

جنوری کی شام کتنی سرد ہے

سُن ہُوا جاتا ہے سانسوں کا بدن

برف ہے آنکھوں کی چھت پر

اور، سینے میں چُبھن

دل کے شام آلود آنگن میں مگر

دید کی امید کے روغن سے روشن اِک دِیا

تو نے پھول بھیجا ہے

ویلینٹائنز ڈے

تُو نے پھول بھیجا ہے

جس میں تیرے ہاتھوں کی

نرم خوشبوئیں بھی ہیں

اور تیری قربت کی، جاگتی کہانی بھی

زندگی کے دریا کی ناچتی روانی بھی

بات کاٹنے والی بے دھڑک جوانی بھی

ملتی ہے خوئے یار سے نار التہاب میں

ملتی ہے خوئے یار سے نار التہاب میں

کافر ہوں گر نہ ملتی ہو راحت عذاب میں

کب سے ہُوں، کیا بتاؤں جہانِ خراب میں

شبہائے ہجر کو بھی رکھوں گر حساب میں

تا پھر نہ انتظار میں نیند آئے عمر بھر

آنے کا عہد کر گئے آئے جو خواب میں

یونہی افزائش وحشت کے جو ساماں ہوں گے

یونہی افزائشِ وحشت کے جو ساماں ہوں گے

دل کے سب زخم بھی ہمشکلِ گریباں ہوں گے

وجہِ مایوسئ عاشق ہے تغافل ان کا

نہ کبھی قتل کریں گے، نہ پشیماں ہوں گے

دل سلامت ہے تو صدموں کی کمی کیا ہم کو

بے شک ان سے تو بہت جان کے خواہاں ہوں گے

اس جور و جفا پر بھی بدظن نہیں ہم تجھ سے

اس جور و جفا پر بھی بدظن نہیں ہم تجھ سے

کیا طرفہ تمنا ہے امیدِ کرم تجھ سے

امیدِ نوازش میں کیوں جیتے تھے ہم آخر

سہتے ہی نہیں کوئی جب درد و الم تجھ سے

وارفتگیِ دل ہے یا دستِ تصرف ہے

ہیں اپنے تخیل میں دن رات بہم تجھ سے

سکوت و خامشی اظہار حال بے زبانی ہے

سکوت و خامشی اظہارِ حالِ بے زبانی ہے

کمینِ درد میں پوشیدہ رازِ شادمانی ہے

عیاں ہیں حال و قالِ شیخ سے اندازِ دلچسپی

مگر رندِ قدح کش کا ابھی دورِ جوانی ہے

ثباتِ چند روزہ کار فرمائے غم و حسرت

اجل سرمایہ دارِ دورِ عیش و کامرانی ہے

آج بھی شاہیں ساتھ ہے میرے بچھڑے ہوئے اک ساتھ کا دکھ

آج بھی شاہیؔں ساتھ ہے میرے بچھڑے ہوۓ اک ساتھ کا دکھ

دل میں آ کر بیٹھ گیا ہے، ٹوٹی اُجڑی ذات کا دکھ

موت کو جیون جان کے شب بھر جاگنا ہے معمول مرا

شب بھر چنتی رہتی ہوں میں ہجر میں ڈوبی رات کا دکھ

خوشیوں کے پیراہن میں ملبوس ہیں یوں تو لوگ سبھی 

کون بھلا کب جان سکا ہے ٓ، حال کا اور حالات کا دکھ

زخموں سے کہاں لفظوں سے ماری گئی ہوں میں

زخموں سے کہاں، لفظوں سے ماری گئی ہوں میں

جیون کے چاک سے یوں اتاری گئی ہوں میں

مجھ کو مرے وجود میں بس تُو ہی تُو مِلا

ایسے تری مہک سے سنواری گئی ہوں میں

افسوس مجھ کو اس نے اتارا ہے گور میں

جس کے لیے فلک سے اتاری گئی ہوں میں

یہ عشق عجب لمحہ توقیر ہے جاناں

یہ عشق عجب لمحۂ توقیر ہے جاناں

خود میرا خدا اس کی ہی تفسیر ہے جاناں

جو نام ہتھیلی کی لکیروں میں نہیں تھا

کیوں آج تلک دل پہ وہ تحریر ہے جاناں

اس خواب کی تعبیر تو ممکن ہی نہیں تھی

آنکھوں میں مگر اس کی ہی تاثیر ہے جاناں

اک جھلک دیکھ کے حیران بھی ہو سکتا ہے

اک جھلک دیکھ کے حیران بھی ہو سکتا ہے

آئینہ ہے، سو پریشان بھی ہو سکتا ہے

عین ممکن ہے کہ ہو تیری طرف دھیان مِرا

اور کسی اور طرف دھیان بھی ہو سکتا ہے

تُو اگر دیکھنے آ جائے مجھے آخری بار

مرحلہ موت کا آسان بھی ہو سکتا ہے

گہے کھنچے کھنچے گاہے ڈرے ڈرے مرے دوست

گہے کھنچے کھنچے،  گاہے ڈرے ڈرے، مِرے دوست

رہے ہمیشہ ہی مجھ سے پرے پرے، مرے دوست

عجیب مُردنی چھائی ہے سب کے چہروں پر

ہیں زندہ ہوتے ہُوئے بھی مَرے مَرے، مرے دوست

یہ خوشبوئیں یونہی پھیلی نہیں ہیں سارے میں 

ادھر سے گزرے ہیں پریوں کے کچھ پَرے، مرے دوست

چشم خوش آب کی تمثیل نہیں ہو سکتی

چشمِ خوش آب کی تمثیل نہیں ہو سکتی

ایسی شفاف کوئی جھیل نہیں ہو سکتی

میری فطرت ہی میں شامِل ہے محبت کرنا

اور فطرت کبھی تبدیل نہیں ہو سکتی

اس کے دل میں مجھے اک جوت جگانا پڑے گی

خود ہی روشن کوئی قندیل نہیں ہو سکتی

آغاز مقرر تو ہے انجام مقرر

آغاز مقرر تو ہے انجام مقرر

سودا نہیں ہوتا ہے یہاں دام مقرر

آتی ہیں نئے رعب میں مغرور یہ صبحیں 

ہر صبح کی ہوتی ہے مگر شام مقرر

انساں کو فخر کیا کہ نئی منزلیں کھوجے

ہر راہ مقرر ہے تو ہے گام مقرر

کئے محبت سے جو تھے پہلے

کئے محبت سے جو تھے پہلے

گناہ سارے معاف کر دو

جہاں بھی دیکھوں دکھائی دو تم

نظر پہ ایسا غلاف کر دو

نہ کوئی اب میرے پاس آئے

سبھی کو ایسا خلاف کر دو

پاس ہونے سے جدا اچھا ہے

پاس ہونے سے جدا اچھا ہے

ایسے مانے سے خفا اچھا ہے

عشق سب لے گیا ہے عقل و خرد 

کوئی بتلائے کہ کیا اچھا ہے

حادثے راہوں کے گھر لا ڈالے

اور سمجھا کہ ہُوا اچھا ہے

روز روز آنکھوں تلے ایک ہی سپنا جلے

روز روز آنکھوں تلے 

ایک ہی سپنا جلے

رات بھر کاجل جلے 

آنکھ میں جس طرح 

خواب کا دِیا جلے

روز روز آنکھوں تلے 

ایک ہی سپنا جلے

نہ بولوں میں تو کلیجہ پھونکے جو بول دوں تو زباں جلے ہے

نہ بولوں میں تو کلیجہ پھونکے جو بول دوں تو زباں جلے ہے

سلگ نہ جاوے اگر سنے وہ جو بات میری زباں تلے ہے

لگے تو پھر یوں کہ روگ لاگے نہ سانس آوے نہ سانس جاوے

یہ عشق ہے نامراد ایسا کہ جان لیوے تبھی ٹلے ہے

ہماری حالت پہ کتنا رووے ہے آسماں بھی تُو دیکھ لیجو

کہ سرخ ہو جاویں اس کی آنکھیں بھی جیسے جیسے یہ دن ڈھلے ہے 

کاغذ پر گرتے ہی پھوٹے لفظ

کاغذ پر گرتے ہی پھوٹے لفظ

کچھ دھواں اٹھا

چنگاریاں کچھ

ایک نظم میں پھر سے آگ لگی

جلتے شہر میں بیٹھا شاعر

اس سے زیادہ کرے بھی تو کیا

داستانوں میں ڈھال دی گئی ہے

داستانوں میں ڈھال دی گئی ہے 

یوں محبت سنبھال دی گئی ہے 

سب وفا پر دلیل مانگتے تھے 

تیری میری مثال دی گئی ہے 

شہر جلنے پہ آ گیا ہو گا 

آگ کو سبز شال دی گئی ہے

قصیدہ گنگ ہے اور ریختوں کی چھٹی ہے

قصیدہ گنگ ہے اور ریختوں کی چھٹی ہے 

تو آگئی ہے تو اب تذکروں کی چھٹی ہے

ابھی تو عشقِ حقیقی کے حق میں تھے سارے 

کہ حسن پہنچا ہے اور فلسفوں کی چھٹی ہے

ہماری بستی میں چاہت بچھائی جا رہی ہے 

سو اس علاقے سے سب معجزوں کی چھٹی ہے

تجھ پہ جچتا ہے وہ نیلے والا

تجھ پہ جچتا ہے وہ نیلے والا

اس سے بڑھ کر ہے یہ پیلے والا

کان گر سرخ نہ ہوں دہراؤں 

واقعہ یاد ہے ٹیلے والا

مار ڈالے گا مجھے عشق کا دکھ 

تجھ کو یہ رنج قبیلے والا

عشق سا عشق ہوا ہے مجھ کو

اب مثالیں بھی بدل جائیں گی 

عشق سا عشق ہوا ہے مجھ کو

شرک کیوں، اس کو بھی توحید سمجھ

اک تِرا دھیان رہا ہے مجھ کو

یار دشمن، ترے معیار کی خیر 

تُو نے دنیا میں چنا ہے مجھ کو

رفتہ رفتہ ہر جگہ الفت کے افسانے گئے

رفتہ رفتہ ہر جگہ الفت کے افسانے گئے

میرا نام آتے ہی وہ محفل میں پہچانے گئے

کہکشاں گردِ سفر ہے، مہر و مہ زیرِ قدم 

وقت کے صحرا میں کتنی دور دیوانے گئے

ایک ہی منزل تھی لیکن راستے میں دور تک

شہر ان کے ساتھ، میرے ساتھ ویرانے گئے

ذرا مسکرایا جو ساقی سنبھل کے

ذرا مسکرایا جو ساقی سنبھل کے

کئی ہاتھ کانپے کئی جام چھلکے

وہ آئے مِرے پاس کانٹوں پہ چل کے

غمِ زندگی رہ گیا ہاتھ مَل کے

تصرف ہے اے وجؔد کس گلبدن کا

مہکتے ہیں اشعار تیری غزل کے

تیرے پاس آنے کو جی چاہتا ہے

تیرے پاس آنے کو جی چاہتا ہے

نئے زخم کھانے کو جی چاہتا ہے

ادھر آئے شاید وہ موجِ ترنم

غزل گنگنانے کو جی چاہتا ہے

زمانہ میرا آزمایا ہوا ہے

تجھے آزمانے کو جی چاہتا ہے

خوش جمالوں کی یاد آتی ہے

خوش جمالوں کی یاد آتی ہے

بے مثالوں کی یاد آتی ہے

باعثِ رشکِ مہر و ماہ تھے جو

ان ہلالوں کی یاد آتی ہے

جن سے دنیائے دل منور تھی

ان اجالوں کی یاد آتی ہے

حدوں کو پار کیا تو حدود میں آیا

مال حسن تھا چشمِ حسود میں آیا

حدوں کو پار کیا تو حدود میں آیا

ہر اک حصار سے باہر تھا زیست کا لمحہ

قضا نے قید کیا تو قیود میں آیا

جمالِ ماہِ منور کی آرزو لے کر

ستارہ شام کا شہرِ شہود میں آیا

دل مضطرب ہے اور طبیعت اداس ہے

دل مضطرب ہے اور طبیعت اداس ہے

لگتا ہے، آج دل کے کوئی آس پاس ہے

پھر تشنہ لب کھڑا ہوں سمندر کے سامنے

یہ میری پیاس ہے کہ سمندر کی پیاس ہے

کھُلتا نہیں نگاہ پہ کہ کس جگہ پہ ہوں

شہرِ طلب ہے یا کوئی دشتِ ہراس ہے

اک شہر افسوس ہے جس میں

شہرِ افسوس

اک شہرِ افسوس ہے جس میں 

یادوں کے بازار سجے ہیں 

زخموں کا سرمایہ لے کر 

لوگ یہاں پر آ جاتے ہیں 

اس شہرِ افسوس میں اکثر 

لمحے حیرت بن جاتے ہیں 

زمیں پر آسماں رکھا ہوا ہے

زمیں پر آسماں رکھا ہُوا ہے

مجھے بھی درمیاں رکھا ہوا ہے

چھپا کر اپنے راز لاکھوں

مجھے رازداں رکھا ہوا ہے

بِنا دیکھے اسے تا عمر چاہیں

یہ کیا امتحاں رکھا ہوا ہے

کب کہا میں نے ہر کہیں میں ہوں

کب کہا میں نے ہر کہیں میں ہوں 

حجرۂ جاں میں جاگزیں میں ہوں

تجھ کو معلوم ہی نہیں شاید

تُو جو تُو ہے، یہ تُو نہیں، میں ہوں

مثلِ ہمزاد ساتھ ہوں تیرے

ہے جہاں تُو، وہیں وہیں میں ہوں

اک لذت گناہ مجھے کھینچتی رہی

اِک لذتِ گناہ مجھے کھینچتی رہی

اور وہ بھی بے پناہ مجھے کھینچتی رہی

دیوانہ وار کھنچتا رہا اس طرف کو میں

جادو بھری نگاہ مجھے کھینچتی رہی

ورنہ، میں کھنچنے والا نہیں تھا کبھی اُدھر

یہ تو کسی کی چاہ مجھے کھینچتی رہی

در ستارۂ دمدار کر کے وا کوئی

نذر جمال احسانی 

درِ ستارۂ دُم دار کر کے وا کوئی 

عجب ادا سے مجھے دیکھتا رہا کوئی

گواہی دے رہے ہیں خود نقوشِ پا سرِ دشت

اِدھر سے گزرا ہے پہلے بھی قافلہ کوئی

دعائیں بیچنے والے! چل اس نگر سے نکل

یہاں تو مفت بھی لیتا نہیں دعا کوئی

افسانہ ہائے درد سناتے چلے گئے

افسانہ ہائے درد سناتے چلے گئے

خود روئے دوسروں کو رلاتے چلے گئے

بھرتے رہے الم میں فسونِ طرب کا رنگ

ان تلخیوں میں زہر ملاتے چلے گئے

اپنے نیازِ شوق پہ تھا زندگی کو ناز

ہم زندگی کے ناز اٹھاتے چلے گئے

وفا کی آخری منزل بھی آ رہی ہے قریب​

وفا کی آخری منزل بھی آ رہی ہے قریب​

جو اس جگہ بھی نہ تُو مل سکے تو میرے نصیب​

فغانِ حق و صداقت کا مرحلہ ہے عجیب​

دبے تو بند و سلاسل اٹھے تو دار و صلیب​

تِرے خیال کا مسکن چمن چمن کا سفر​

مِری وفا کا نشیمن فقط دیارِ حبیب​

اجنبی خط و خال

اجنبی خط و خال

یہ کس نے مِری نظر کو لوٹا

ہر چیز کا حسن چھن گیا ہے

ہر شے کے ہیں اجنبی خط و خال

بڑھتے چلے جا رہے ہیں ہر سمت

موہوم سی بے رخی کے سائے

کچھ اس طرح ہو رہا ہے محسوس

بند ہو جائے مری آنکھ اگر

بند ہو جائے مِری آنکھ اگر

اس دریچے کو کھلا رہنے دو

یہ دریچہ ہے افق آئینہ

اس میں رقصاں ہیں جہاں کے منظر

اس دریچے کو کھلا رہنے دو

اس دریچے سے ابھرتی دیکھی

جن کے لئے اپنے تو یوں جان نکلتے ہیں

جن کے لیے اپنے تو یوں جان نکلتے ہیں

اس راہ میں وے جیسے انجان نکلتے ہیں

کیا تیرِ ستم اس کے سینے میں بھی ٹوٹے تھے

جس زخم کو چیروں ہوں، پیکان نکلتے ہیں

مت سہل ہمیں جانو، پھرتا ہے فلک برسوں

تب خاک کے پردے سے انسان نکلتے ہیں

چاہت کا اظہار کیا سو اپنا کام خراب ہوا

چاہت کا اظہار کِیا، سو اپنا کام خراب ہوا

اس پردے کے اٹھ جانے سے اس کو ہم سے حجاب ہوا

ساری ساری راتیں جاگے عجز و نیاز و زاری کی

تب جا کر ملنے کا اس کے، صبح کے ہوتے جواب ہوا

کیا کہیۓ مہتاب میں شب کی، وہ بھی ٹک آ بیٹھا تھا

تابِ رخ اس مہ نے دیکھی سو درجے بے تاب ہوا

کب لطف زبانی کچھ اس غنچہ دہن کا تھا

کب لطف زبانی کچھ اس غنچہ دہن کا تھا

برسوں ملے پر ہم سے صرفہ ہی سخن کا تھا

اسباب مہیا تھے سب مرنے ہی کے لیکن

اب تک نہ موئے ہم جو اندیشہ کفن کا تھا

بلبل کو مؤا پایا کل پھولوں کی دکاں پر

اس مرغ کے بھی جی میں کیا شوق چمن کا تھا

ہم پہ رہتے ہو کیا کمر کستے

ہم پہ رہتے ہو کیا کمر کستے

اچھے ہوتے نہیں جگر خستے

ہنستے کھینچا نہ کیجیۓ تلوار

ہم نہ مر جائیں ہنستے ہی ہنستے

شوق لکھتے قلم جو ہاتھ آئی

لکھتے کاغذ کے دستے کے دستے

وہی جنوں ہے وہی کوچہ ملامت ہے

وہی جنوں ہے وہی کوچۂ ملامت ہے

شکستِ دل پہ بھی عہدِ وفا سلامت ہے

یہ ہم جو باغ و بہاراں کا ذکر کرتے ہیں

تو مدعا وہ گلِ تر، وہ سرو قامت ہے

بجا یہ فرصتِ ہستی مگر دلِ ناداں

نہ یاد کر کے اسے بھولنا قیامت ہے

آخر کو ضرورت ہی خریدار کی نکلی

آخر کو ضرورت ہی خریدار کی نکلی

مریم سی وہ لعبت بھی تو بازار کی نکلی

دیکھو کبھی مقتل، کبھی گلزار لگے ہے

تصویر عجب کوچۂ دلدار کی نکلی

آنکھوں کی تسلی نہیں ہوتی تو نہ ہووے

ہم خوش ہیں کوئی شکل تو دیدار کی نکلی

چاک پیراہنی گل کو صبا جانتی ہے

چاک پیراہنئ گل کو صبا جانتی ہے

مستئ شوق کہاں بندِ قبا جانتی ہے

ہم تو بدنامِ محبت تھے سو رسوا ٹھہرے

ناصحوں کو بھی مگر خلقِ خدا جانتی ہے

کون طاقوں پہ رہا، کون سرِ راہ گزار

شہر کے سارے چراغوں کو ہوا جانتی ہے

زندگی اور طرح اب تو گزاری جائے

زندگی اور طرح اب تو گزاری جائے

عشق کی جیت کے بازی کوئی ہاری جائے

آج پھر ہے لب و رخسار پہ گل رنگ بہار

آئیے! آپ کی تصویر اتاری جائے

اب کوئی اس سے تعلق، نہ مراسم، نہ قرار

اب اگر جان یہ جاتی ہے ہماری جائے

بشر کی طاقت انکار کم نہ ہو جائے

بشر کی طاقتِ انکار

بشر کی طاقتِ انکار کم نہ ہو جائے

تمہاری رونقِ دربار کم نہ ہو جائے

تم اس قدر نہ بڑھاؤ رسومِ عجز و نیاز

طوافِ کعبہ کا معیار کم نہ ہو جائے

تم اتنا بیش نہ کر دو نصابِ ذکر و سجود

مقامِ عظمتِ کردار کم نہ ہو جائے

فضا اعظمی

ہوا منشور نو جاری حقوق نوع نسواں کا

حقوقِ نسواں پر ایک نظم

یہ تھا ادبار عورت پر کہ جب پیغام حق آیا 

خواتین کے لیے انصاف کا پہلا سبق آیا 

ہوا نازل صحیفہ آخری توقیر انسان کا 

دکھی عورت کی خاطر امن کا پیغامبر آیا 

حرا کے غار سے روشن ہوا خورشید ایمان کا 

ہوا منشورِ نو جاری حقوقِ نوعِ نسواں کا

فضا اعظمی

یہ کیا سچ ہے کہ تم قرآن سے شادی رچاتے ہو

‘اقتباس از ’خاک میں صورتیں

یہ کیا سچ ہے کہ تم قرآن سے شادی رچاتے ہو

اور اس صورت سے تم اپنی زمینداری بچاتے ہو

تم اپنی عاقبت اس طرح سے برباد کرتے ہو

کلام اللہ کی تم اس طرح تحقیر کرتے ہو

کہاں نور الٰہی اور کہاں قرآن کی عظمت

کہاں یہ ملحدانہ سوچ، یہ افرادِ بد طینت

فضا اعظمی

کہ جس آغوش میں انسان کی تقدیر پلتی ہے

عورت کی عظمت کے حوالے سے ایک نظم

کہ جس آغوش میں انسان کی تقدیر پلتی ہے

کہ جن ہاتھوں سے ملک اور قوم کی تصویر بنتی ہے

کہ جس مکتب میں رجحانات کی تشکیل ہوتی ہے

کہ جس ماحول میں اخلاق کی تعمیر ہوتی ہے

اسے معتوب اور معزول کر دینے کی سازش ہے

اسے معدوم اور مفقود کر دینے کی سازش

فضا اعظمی

مسکن وہیں کہیں ہے وہیں آشیاں کہیں

مسکن وہیں کہیں ہے وہیں آشیاں کہیں

دو آڑھے ترچھے رکھ لیے تنکے جہاں کہیں

پہرا بٹھا دیا ہے یہ قیدِ حیات نے

سایہ بھی ساتھ ساتھ ہے جاؤں جہاں کہیں

جاتے کدھر ہو تم صفِ محشر میں خیر ہے

دامن نہ ہو خدا کے لیے دھجیاں کہیں

گری گر کر اٹھی پلٹی تو جو کچھ تھا اٹھا لائی

گری گر کر اٹھی پلٹی تو جو کچھ تھا اٹھا لائی

نظر کیا کیمیا تھی رنگ چہروں سے اڑا لائی

خدا کے واسطے سفاکیاں یہ کس سے سیکھی ہیں

نظر سے پیار مانگا تھا، وہ اک خنجر اٹھا لائی

نہ حسرت ہی نکلتی ہے نہ دل کو آگ لگتی ہے

مِری ہستی مِرے دامن میں کیا کانٹا لگا لائی

صرف یہ درد دل نشیں ہوتا

صرف یہ درد دل نشیں ہوتا

جب کہوں درد اب نہیں ہوتا

خود کبھی راہ میں بھٹکتا ہوں

یا کبھی وہ نہ ہم نشیں ہوتا

آنکھ کہتی سراب ہے سارا

دل کو ہی پر نہیں یقیں ہوتا

دیے ہیں یا جگنو یا دل جل رہے ہیں

دیے ہیں یا جگنو یا دل جل رہے ہیں 

نگر میرا ظالم سرابوں بھرا ہے

دلیلوں میں سارے ہمیں مات دے دیں 

رقیبوں کا سینہ کتابوں بھرا ہے

یہاں کوئی وقعت کہاں ہے ہماری 

ہر اک آسمان آفتابوں بھرا ہے

صحرا سے آنے والی ہواؤں میں ریت ہے

صحرا سے آنے والی ہواؤں میں ریت ہے 

ہجرت کروں گا گاؤں سے گاؤں میں ریت ہے

اے قیس! تیرے دشت کو اتنی دعائیں دیں

کچھ بھی نہیں ہے میری دعاؤں میں ریت ہے

صحرا سے ہو کے باغ میں آیا ہوں سیر کو

ہاتھوں میں پھول ہیں میرے پاؤں میں ریت ہے

تو نہیں جانتی نیند کی گولیاں کیوں بنائی گئیں

تُو نہیں جانتی 

نیند کی گولیاں کیوں بنائی گئیں

لوگ کیوں رات کو اٹھ کے روتے ہیں سوتے نہیں

تُو نے اب تک کوئی شب اگر جاگتے بھی گزاری 

تو وہ باربی نائیٹ تھی 

تجھ کو کیسے بتاؤں 

یہ ظلم مجھ سے نہیں ہو سکا نہیں کیا ہے

یہ ظلم مجھ سے نہیں ہو سکا، نہیں کیا ہے

خیال میں بھی تجھے بے ردا نہیں کیا ہے

یہ بدتمیز اگر تجھ سے ڈر رہے ہیں تو پھر

تجھے بگاڑ کے میں نے برا نہیں کیا ہے

میں ایک شخص کو ایمان جانتا ہوں تو کیا

خدا کے نام پہ لوگوں نے کیا نہیں کیا ہے

یہ تماشہ سا کیا لگا ہوا ہے

یہ تماشا سا کیا لگا ہوا ہے 

چوک میں آئینہ لگا ہوا ہے

مرضیوں کا مرض ہے چاروں طرف

جس کو دیکھو خدا لگا ہوا ہے

ہم بھی کوشش میں ہیں کہ جی لگ جائے

جس طرح آپ کا لگا ہوا ہے

آج تو خود سے لڑ پڑا ہوں میں

آج تو خود سے لڑ پڑا ہوں میں

خواب کیوں دیکھتا رہا ہوں میں

تم جو بے حد قریب ہو میرے

کیا تمہارا بھی مسئلہ ہوں میں

ایک بس ایک کی تمنا میں

کیسے برباد ہو گیا ہوں میں