عشق کو آگ کا دریا میں لکھوں کیسے لکھوں​

عشق کو آگ کا دریا میں لکھوں کیسے لکھوں​

حسن کو چاند سا چہرہ میں لکھوں کیسے لکھوں​

کیا سفر نامۂ صحرائے محبت میں لکھوں​

دشتِ آشوب میں جلنا میں لکھوں کیسے لکھوں​

ڈوب کر کیا کوئی ابھرا ہے سفینہ دل کا​

بحرِ کلفت سے ابھرنا میں لکھوں کیسے لکھوں​

حسنِ یوسف کی تو عاشق ہے خدائی ساری​

اک زلیخا کا ہی قصہ میں لکھوں کیسے لکھوں​

شب سے پہلے ہی یہ دل چاند سا چہرہ مانگے​

دلِ نادان ہے پگلا میں لکھوں کیسے لکھوں​

آنکھ کھل جائے تو تنہائی سے خوف آتا ہے​

ہجرِ مژگاں میں سلگنا میں لکھوں کیسے لکھوں​

کیوں محبت کی نشانی کو لکھوں تاج محل​

عشق کی قید کا نوحہ میں لکھوں کیسے لکھوں​

سنگ برسے تو مِرے دوست تماشائی تھے​

سنگدل شہر تھا سارا میں لکھوں کیسے لکھوں​

سوئے محشر نہ قلم ہے نہ سیاہی نہ دوات​

مرگِ درویش کا قصہ میں لکھوں کیسے لکھوں​

​

فاروق درویش​