خود بجھاتا ہے چراغ اور مکر جاتا ہے

روز الزام ہواؤں پہ وہ دھر جاتا ہے

خود بجھاتا ہے چراغ اور مُکر جاتا ہے 

عشق وہ کھیل ہے پیارے کہ بچھڑنے والا

اس سہولت سے بچھڑتا ہے کہ مر جاتا ہے

موت کے بعد، یہی سچ ہے زمانے والو

وقت مشکل ہو یا آسان، گزر جاتا ہے 

ساحلوں سے کوئی گہرائی نہیں ماپ سکا

چوٹ لگتی ہے تو انسان سُدھر جاتا ہے

اسکی آنکھوں میں کشش وہ ہے کہ بس دیکھتے ہی

سیدھا انسان بھی پٹڑی سے اتر جاتا ہے 

پیار اس موڑ پہ لایا ہے جہاں پر ساحر 

اپنی دستار بچاتا ہوں تو سر جاتا ہے

سبطین ساحر