حاصلِ عہدِ تمنا نہ ملا
رات کے بعد اجالا نہ ملا
تُو تو کیا شہر میں تیرے ہم کو
کسی دیوار کا سایا نہ ملا
اس کی چاہت میں فنا ہو جاتے
کیا کریں کوئی بھی تجھ سا نہ ملا
بحرِ غم سے کبھی پایا نہ فرار
زیست کا کوئی کنارہ نہ ملا
مدتوں بعد ملے تھے جن سے
ان نگاہوں میں بلاوا نہ ملا
پھر خیالوں میں نہ گرداب پڑا
پھر وہ مانوس سا چہرہ نہ ملا
منجمد ہو گیا دل بھی ناہید
دل میں امڈا ہوا دریا نہ ملا
کشور ناہید
No comments:
Post a Comment