کھُلنے لگے ہیں صبح کے آغاز کے کواڑ
مہکے ہیں گل بہ گل لبِ اعجاز کے کواڑ
چمکے ہیں داغ مشعلِ رخسار کی طرح
کچھ گلفشاں سے ہونٹ تِرے راز کے کواڑ
چشم و نظر چھلک اٹھی مے ناب گل رواں
مخمور مے کدے کہ درِ ناز کے کواڑ
زِنداں بھی سرخرو کہ درِ باز ہو گئے
زنجیریں بج اٹھیں ہیں جنوں ساز کے کواڑ
بننے لگے ہیں داغ ستارے تھے کیا ہوئے
کھُلنے لگے ہیں خلقتِ ایجاز کے کواڑ
غربت کدے میں رات کا حاصل ہوں جس طرح
داماں کے داغ غمزۂ غماز کے کواڑ
عامر دلیلِ صبح نِگہ یار ہو گئی
گلبرگِ نیم وا ہیں نظر باز کے کواڑ
عامر یوسف
No comments:
Post a Comment