وہ ایک یاد جو شبٍ ہجر میں سسکتی دیکھی
وہ نیند جو میں نے خوابوں میں بھٹکتی دیکھی
وہ ایک غزل جو میں نے ابھی لکھی ہی نہیں
حرف بہ حرف تیری آنکھوں میں اترتی دیکھی
وہ ساعت جو میرے وجدان کی گرفت میں تھی
آئینہ خانے میں ہر روز سنورتی دیکھی
وہ ایک ٹیس جو دل سے میرے نکلی بھی نہیں
تیرے ماتھے کی لکیروں میں پنپتی دیکھی
وہ دعا جو میرے ہونٹوں پہ کپکپائی تھی
تیرے چھونے سے معجزوں سے گزرتی دیکھی
تاشفین فاروقی
No comments:
Post a Comment